وەزارەتی دارایی عێراق بڕی 340 ملیار دیناری وەک مووچەی
مانگی پێنجی هێزە ئەمنییەکانی هەرێم خستە سەر هەژماری
وەزارەتی دارایی و ئابوریی حکومەتی هەرێمی کوردستان.
بە پێی
زانیارییەکان، وەزارەتی دارایی عێراق موچەی هێزە ئەمنییەکانی رەوانەی هەرێمی
کوردستان کرد و لە چەند ڕۆژی داهاتوشدا دەست بە دابەشکردنی موچەی ئایاری ئەو
هێزانە دەکرێت .
ئەمەش
لەکاتێکدایە، دابەشکردنی مووچەی مانگی ئایار نزیکەی مانگێک دواکەوتووە، بە هۆکاری
ئەوەی پێشتر حکومەتی هەرێم لیستی مووچەی ئەو هێزانەی بە کۆد دەنارد، بەڵام پێش جەژنی
قوربان هەولێر و بەغدا رێککەوتن لەسەر ناردنی لیستەکە بە ناوی چواری و تەواوی زانیارییەکانەوە.