بابەتە سەرەکیەکە: دەزگای ئاسایشی هەرێم رایگەیاند، چەند حەشارگەیەکی تیرۆریستانی
داعش خاپوور کران کە بۆ حەشاردانی چەک و تەقەمەنی بەکارهاتبوو.
راگەیەندراوی فەرمی: دەزگای ئاسایشی هەرێم بڵاویکردەوە: بەڕێوەبەرایەتی گشتی ئۆپراسیۆنەكانی ئاسایش، بەهەماهەنگی لەگەڵ
بەڕێوەبەرایەتی هەواڵگری سەربازی سوپای عێراق، لە ئۆپراسیۆنێکی سەرکەوتوودا لەسەر
بنەمای زانیاری هەواڵگری توانیان 4 مۆڵگە و شوێنی مانەوەی تیرۆریستان لە چیای جەبەل
بۆر لەناحیەی لەیلانی سنوری قەزای داقوق لەناوبەرن.
ئەمەش هەیە: تیرۆریستان ئەم مۆڵگە و حەشارگانەیان بەکارهێنابوو بۆ
مەبەستی حەشاردانی چەندین پارچە چەک و تەقەمەنی و تی ئێن تی و ئامێری
پەیوەندیکردنی بێتەل و جل و بەرگی سەربازی و خۆراکی تێدا شاردرابویەوە.
زیاتر: دەزگای ئاسایشی هەرێم بەهەماهەنگی سەرجەم هێزە عێراقییەکان،
لەهەوڵەکانی بەردەوامە بۆ رووبەڕوبونەوەی تیرۆریستانی داعش و لەناوبردنیان و لەم
ئۆپراسیۆنی کێوماڵکردنەدا توانرا چەند مۆڵگەیەکی تیرۆریستانی داعش خاپوور بکرێت.