بابەتە سەرەکیەکە: وەزارەتی خوێندنی باڵا رایگەیاند، لە سبەینێوە
زانكۆڵاین بۆ ماوەى 10 رۆژ بۆ دەرچووانى دوانزەیـی ئامادەیى کارا دەکرێت.
راگەیەندراوی فەرمی: وەزارەتی
خوێندنی باڵا و توێژینەوەی زانستی هەرێمی کوردستان رایگەیاند: پڕۆسه‌ی پێشکەشکردن بۆ وه‌رگرتنی ده‌رچووانی
دوانزه‌ی ئاماده‌یی له زانكۆكانی هەرێمی كوردستان دەستپێدەکات و لە رۆژی شەممەوە
رێکەوتى 21 ی ئەیلول کاتژمێر 12ى نیوەڕۆ، زانكۆڵاین بۆ ماوەى 10 رۆژ بۆ دەرچووانى دوانزەیی ئامادەیى کارا دەکرێت.
ئەمەشی وت: وێبسایتی www.regayzanko.com بۆ
دەرچووانی دوانزەی ئامادەیی زانستی، وێژەیی، پیشەیی، تا بەرواری 30 ی ئەیلول، کارادەبێت و ده‌رچووان
ده‌توانن لەو وادەیەدا فۆرمی وه‌رگرتن له زانكۆ و په‌یمانگه‌كان پڕبكه‌نه‌وە و
پێشكه‌شی بكه‌ن.
زیاتر: ده‌رچووان ده‌بێت
سەردانی خوێندنگەکانی خۆیان بکەن بەمەبەستی وەرگرتنەوەی ناوى بەکارهێنەر و وشەى تێپەڕ.
چی دیکە: سەبارەت بە دەرچووانی ئامادەیى خوێندنگە نێودەوڵەتییەکان و
ئامادەییە پیشەییەکان، وەزارەتەکە رایگەیاندووە، زانکۆڵاین لەهەمان کات و هەمان
وێبسایت بۆ ئەوانیش کارادەکرێت و دەتوانن داواکارییەکانیان پێشکەش بکەن.
هاوکات: هەروەها دەرچووانی پێنج ساڵی رابردووی پیشەییەکان کە نیازی
فۆرم پێشکەش کردنیان هەیە بۆ خوێندنی پارالێڵ و ئێواران، بەهۆی نەبوونی ناو و
زانیارییان لە ناو سیستمى زانکۆڵاین، پێویستە سەردانی وەزارەتی پەروەردە بکەن بۆ
وەرگرتنى ناوی بەکارهێنەر و وشەی تێپەڕ، بەپێچەوانەوە
ناتوانن داواکاری وەرگرتن پێشکەش بکەن.