چی روویدا: بافڵ جەلال تاڵەبانی پەیامێکی لەبارەی ساڵیادی
کۆچی دوایی سەرۆک مام جەلال بڵاوکردەوە و دەڵێت " حەوت ساڵ لەمەوبەر ئێمە سەرکردەیەک،
باوکێک و نیشتمانپەروەرێکمان لەدەستدا کە ئەویش سەرۆک مام جەلال بوو".
راگەیەندراوی فەرمی: بافڵ جەلال تاڵەبانی سەرۆکی یەکێتی رایگەیاند:"
ئەمڕۆ ئێمە لە کەرکوک بووین، ئەو شارەی سەرۆك مام جەلال بە قودسی کوردستان ناوی دەبرد
و نازناوی شاری پێکەوەژیانی پێبەخشی، لەو پێناوەشدا هەوڵی زۆریدا تاوەكو هەر بەو شێوەیە
بمێنێتەوە".
ئەمەشی وت: قوربانیدان و دیدگای ئەو بۆ کوردستانێکی یەکگرتوو،
دیموکرات و ئاوەدان بەردەوام ئیلهاممان پێدەبەخشێت.
لەبارەی هەڵبژاردنەوە: لەگەڵ نزیکبوونەوەی ئەم هەڵبژاردنە
گرنگەش، یەکێتیی نیشتمانیی کوردستان جەخت لە خزمەت، خۆڕاگری و ئەرکی خۆی بەرامبەر
بە گەلەکەمان دەکاتەوە.
چی تر: بافڵ جەلال تاڵەبانی باسی لەوەکرد:" یەکێتی
ئێستا بەهێزترە و كاری زیاتر دەكات تاوەكو هەموو دەنگێك ببیسترێت و هەموو كەسێك لە
خۆشگوزەرانیدا بێت، ئێمە كار بۆ بەدیهێنانی ئەو داهاتووە دەكەین كە سەرۆك مام جەلال
خەونی پێوەدەبینی".