چی روویدا:
سەرۆکوەزیرانی هەرێم لە نوێترین چاوپێکەوتنیدا دەلێت " لە دوو سالی داهاتوودا
کارەبای هەموو هەرێمی کوردستان دەکەین بە 24 کاتژمێری".
لێدوانی فەرمی: مەسرور
بارزانی، سەرۆکوەزیرانی هەرێم وتی:" هەوڵێکی زۆرمان داوە سەرچاوەی وزە لە
هەرێمی کوردستان زیاد بکەین".
لەبارەی هەڵبژاردنەوە: مەسرور
بارزانی باسی لەوەشکرد:" هەڵبژاردن لەکاتێکی هەستیار بەڕێودەچێت و دەبێت خەڵک
بیر لە چارەنووسی هەرێمی کوردستان بکەنەوە".
ئەمەشی وت: لە ئێستادا دوو
بەرە لە هەرێمی کوردستان هەیە، بەرەیەکیان باسی خۆبەدەستەوەدان و نەهێشتن و تێکدان
دەکات، بەرەیەکی تریش باسی ئاوەدانی زیاتر و بەرەوپێشجوون دەکات، چاومان لەوەیە
خەڵکی کوردستان بڕیاری خۆیان لەوبارەیەوە بدەن.
رووبەڕووبوونەوەی
گەندەڵی: مەسرور بارزانی رایگەیاند:" هەموو هەوڵەکانمان بۆ ئەوە کە هیچ
بەرپرس و کەسێک بیر لە گەندەڵی نەکاتەوە، هەوڵەکانمان لەوبارەیەوە بەردەوامە،
بەڵام تاکو ئێستا نەگەیشتووین بەو ئاستەی چاوەڕوانین".
پرسی مووچە: پەیوەندییەکانمان
لەگەڵ بەغدا باشە و هەوڵدەدەین باشتری بکەین، لەم کابینەیەی حکومەتیشدا زۆرترین
شاندی هەرێم چوونەتە بەغدا، رێگەچارەکان دۆزراونەتەوە بە تایبەت لە پرسی مووچەدا، خەریکین
بگەینە قۆناغی کۆتایی چارەسەرکردنی مووچە.