بابەتە سەرەکیەکە: سکرتێری گشتی نەتەوەیەکگرتووەکان رایگەیاند، ئێستا کاتی بێدەنگکردنی چەک و هێنانەدی ئاشتییە، دەشڵێت: داوا لە حەماس دەکەین بارمتەکان ئازاد بکات.

لێدوانی فەرمی: ئەنتۆنیۆ گۆتێرێز سکرتێری گشتیی نەتەوەیەکگرتووەکان رایگەیاند: داوای کۆتایهێنان بە خوێنڕشتن و توندوتیژیی لە غەزە و لوبنان دەکەین و کاتی بێدەنگکردنی چەک و هێنانەدی سەقامیگرییە لە ناوچەکەدا.

ئەمەشی وت: ئەم جەنگەی لەدوای ئەو هێرشە ترسناکەی 7ـی ئۆکتۆبەر سەری هەڵدا، بەردەوامە لە وێرانکردنی ژیان و ئازاری قووڵ لە غەززە و ئێستاش بۆ گەلی لوبنان.

زیاتر: ئێستا کاتی هێنانەدی ئاشتیی و جێبەجێکردنی یاسای نێودەوڵەتی و دادپەروەریە، داوا لە حەماس دەکەین زیندانییانی ئیسرائیلی ئازاد بکات.