بابەتە سەرەکیەکە: وەزيری دەرەوەی بەريتانيا رایگەیاند، حکومەتى بەریتانیا
هەوڵدەدات بۆ دوورکەوتنەوە لە فراوانبوونی بازنەی جەنگ و پاراستنی عێراق دەدات.
راگەیەندراوی فەرمی: وەزارەتی دەرەوەی عێراق بڵاويکردەوە: فوئاد حسێن،
وەزیرى دەرەوەى عێراق، پەیوەندییەکى تەلەفۆنی لە دەیڤد لامى وەزیری دەرەوەی
بەریتانیا پێگەیشتووە و پێی راگەیاندووە: حکومەتی بەریتانیا هەوڵدەدات بۆ
دوورکەوتنەوە لە فراوانبوونی بازنەی جەنگ و پاراستنی عێراق لە کاردانەوەکان.
ئەمەش هەیە: هاوکات هەر لە پەیوەندیەکەدا، چەند پرسێکی دیکەیان
تاوتوێکردووە لەوانە، پرسی ئابووری و رەشنووسی رێککەوتنی هاوبەشی نێوان هەردوو
وڵات، جگە لە چارەسەرکردنی کێشەی چەند عێراقییەک کە بەشێوەیەکی نایاسایی لە
بەریتانیا نیشتەجێن.
چی دیکە: فوئاد حسێن، جەختی لە گرنگی کارکردن بۆ رێگریکردن لە
فراوانبوونی جەنگ لە ناوچەکەدا کردوەتەوەو ئاماژەی بەوەکردووە، بەردەوامی
پەرەسەندنی جەنگ، کارەساتی کۆمەڵایەتی و ئابووری و ئەمنیی لێدەکەوێتەوە و ئەمەش پێویستی
بە کردار هەیە لەلایەن وڵاتانی کاریگەرەوە بۆ وەستاندنی ململانێکانی لوبنان و
غەززە.
زیاتر: هەروەها باسیان لە بەهێزیی پەیوەندییەکانی نێوان بەریتانیا و
عێراق کردووە و دەیڤد لامی جەختی لەوە کردوەتەوە، بەردەوامدەبن لە گەشەکردن و
فراوانکردنی پەیوەندییەکانیان لەگەڵ بەغدا.