بابەتە
سەرەکییەکە: دوێنێ پارێزگاری سلێمانی سەردانی سەرۆکی یەکێتی نیشتمانی کوردستان کرد.
بۆ: بەشێکی
کۆبوونەوەکە سەردانێکی دۆستانە بوو، بافڵ جەلال تاڵەبانی سەرۆکی یەکێتی پێشتر
سەردانی پارێزگای سلێمانی کردووە و بەنیازە لە داهاتوویەکی نزیکدا سەردانمان بکاتەوە.
چی تر: لە
کۆبوونەوەکەدا بەلامانەوە گرنگ بوو باسی بابەتە هەستیارەکان بکەین بە تایبەتی
ئارامی و ئاسایشی گشتی کە زۆر بەلای ئێمەوە گرنگە.
چی وترا: بە
راشکاوانە بە سەرۆکی یەکێتیم راگەیاند، حەزمان دەکرد دەوڵەتداری لە کوردستان
هەبووایە و دامەزراوەکان تەنها بەدەستی حزبەوە نەبوونایە و هێزە ئەمنییەکان موڵکی
دەوڵەت بوونایە.
ئەمەش بزانە: لەگەڵ
سەرۆکی یەکێتی راوێژمان کرد لەسەر ئەوەی هێزە ئەمنییەکان تێکەڵی بانگەشەی
هەڵبژاردن نەبن، دیاردەی چەکداری، کەژاوە و نمایشی سەربازی لە بانگەشەدا
رێگەپێدراو نییە، ئەویش پشتیوانی تەواوی بۆ ئەو بڕیارانە دەربڕی.
هاوکات:
سەرۆکی یەکێتی پابەندی تەواوی بەو رێنماییانە راگەیاند کە پارێزگای سلێمانی
لەبارەی هەڵمەتەکانی بانگەشەوە بڵاوی کردبووەوە.