بابەتە سەرەکیەکە: هەڤاڵ ئەبوبەکر پارێزگاری سلێمانی لە ئاهەنگی نەورۆزی شاری ئامەدی باکوری کوردستان وتارێکی پێشکەشکرد.

چی وت: هەڤاڵ ئەبوبەکر رایگەیاند؛ ئەمڕۆ رۆژێکی گرنگە و یەکێکە لەو رۆژانەی کە گەلی کورد لە سەرتاسەری دونیا کۆدەکاتەوە، هەروەها پڕۆسەی ئاشتی تورکیا هەنگاوێکی گرنگە پێشوازی لە بانگەوازی ئاشتی و پڕۆسەی چارەسەری دەكەم، کورد بە درێژایی مێژو گەلێکی ئاشتیخواز بوە و بەردەوام قوربانی ململانێ ناوچەیی و ناوخۆییەکان بوە.

چی تر: هەموكات كورد بەشێک بوە لە چارەسەری كێشەكان و هیچ كات بەشێک نەبوە لە دروستكردنی كێشەكان، چونكە ئاشتی وەک ستراتیژ سەیر دەكەین.

ئەمەشی وت: ئومێد دەکەم ئەم نەورۆزە ببێتە نەورۆزی، یەکگرتن و یەکخستنەوەی وتار، کردار، خەبات و ستراتیژی نیشتیمانیمان، نا بۆ شەڕ، بەڵی بۆ ئاشتی.